The Athletic është kthyer të flasë për të ardhmen e Dusan Vlahovic dhe ka shpjeguar se Arsenal e ka seriozisht për sulmuesin e Fiorentina-s.
Në rast të një lamtumire në janar, gjë që është përjashtuar nga të gjithë palët e përfshira, Topçinjtë janë të favorizuar për të siguruar shërbimet e serbit.
Fiorentina kërkon 70-80 milionë euro për ta lënë të lirë menjëherë dhe skuadra angleze po studion mundësinë për të bërë një super ofertë.
Në ofertë mund të përfshihet edhe blerja përfundimtare e Lucas Torreira, i huazuar në këtë sezon nga klubi vjollcë.
Vlahovic, nga ana e tij, vazhdon të preferojë zgjidhje të tjera (Barcelona dhe Juventus mbi të gjitha).