U luajtën ditën e sotme 7 sfidat e vlefshme për javën e 17-të ku nuk munguan surprizat. Në total u regjistruan 13 gola. Padyshim që e gjithë vëmendja ishte te supersfida e zhvilluar në “Adush Muça” mes Bylisit dhe Erzenit, që përfundoi me rezultatin 1-0 në favor të ballshiotëve. Me këtë triumf, ekipi i drejtuar nga Beqiri, që kryeson edhe renditjen, e ka thelluar diferencën në +8 nga Erzeni i vendit të dytë.
Në duelet e tjera, spikasin triumfet bindëse të Pogradecit, Apolonisë dhe Korabit në transfertë respektivisht përballë Besës, Shkumbinit dhe Butrintit. Besëlidhja nuk fali në shtëpi ndaj Turbinës, teksa dy përballjet Tomori-Burreli dhe Tërbuni-Lushnja, përfunduan në barazim pa gola.
Për sa i përkon duelit Maliqi-Vora, ky takim nuk u zhvilluar për shkak të reshjeve të dëborës në juglindje të vendit, duke u shtyrë për një ditë tjetër më të përshtatshme. Ja të gjitha rezultatet:
REZULTATET:
BYLIS-ERZENI 1-0
Lorran 44′
TËRBUNI-LUSHNJA 0-0
BUTRINTI-KORABI 1-2
Onuh 87′ / T.Marku 35′ (p), Dragoi 65′
TOMORI-BURRELI 0-0
BESA-POGRADECI 0-3
Brahja 16′ , Topllari 66′ , Abazaj 77′
BESËLIDHJA-TURBINA 3-1
Marku 32′, 47′, Jaku 57′ / Shehi 43′
SHKUMBINI-APOLONIA 0-2
Omeri 25′, 50′
MALIQI-VORA (E shtyrë)