Laçi ka mposhtur Skënderbeun me rezultatin 1-0, në një sfidë që i pati të gjitha. Goli i Ndriçim Shtubinës në minutën e 30-të i siguroi triumfin skuadrës së Sulejman Starovës. Portieri Gentian Selmani ishte padyshim heroi i kurbinasve, i cili mbajti portën e paprekur, falë disa superpritjeve.
Në minutën e 53-të, Selmani konfirmoi formën e jashtëzakonshme, teksa i priti 11-metërshit Dejvi Bregut falë një zgjatjeje fantastike. Me triumfin e sotëm, Laçi u ngjit në kuotën e 44 pikëve, duke kaluar në renditje korçarët që mbeten në kuotën e 43 pikëve.
