Ai që i hapi i pari dyert dhe e lançoi në botën e televizionit, ishte Silvio Berluskoni e më pas fama e saj si pjesë e rrjetit “Mediaset” u rrit në mënyrë të jashtëzakonshme.
Por edhe sot, Belen Rodriguez mbetet një nga femrat më popullore dhe më të dashura në Itali. Modelja argjentinase njihet edhe për romancat e shumta me personazhe nga bota e sportit, kujtojmë këtu lidhjet me ish-futbollistin Marko Borielo apo pilotin e Moto GP-së, Andrea Ianone.
Kohët e fundit Belen ka qenë në një marrëdhënie me stilistin Antonino Spinalbese, por kjo lidhje duket se tashmë ka marrë fund. Lajmin e ka dhënë vetë modelja, teksa me anë të një postimi drejtuar djalit të saj, Santiagos, në “Instgram”, shkruan: “Tani mami është ‘single’ dhe kemi nevojë për një burrë që të na gatuajë”.
