Liverpuli do të udhëtojë drejt Italisë, më ekzaktësisht drejt Milanos ku do të sfidojë Interin në stadiumin “Giuseppe Meazza” më 16 shkurt.
Skuadra britanike nuk do të udhëtojë vetëm për të luajtur ndaj zikaltërve të Simone Inzagit në 1/8-at e Championsit, por me mision në merkato, ku synohen Milan Skriniar i Interit dhe Paulo Dibala i Juventusit.
Ky i fundit është në skadencë me “Zonjën e Vjetër” në muajin qershor, ndërsa sllovaku i zikaltërve ka një kontratë edhe për një vit e gjysmë.
Nuk dihet ende se çfarë pritet të ndodhë, por e sigurt Liverpuli nuk do të vijë vetëm për futboll, por edhe për “biznes”.