FSHF nuk ndalet me propogandën në këtë kohë intensive fushate në prag të zgjedhjeve për presidentin e organit më të lartë të futbollit në vend, duke u kujtuar për investimet.
Së fundmi Federata Shqiptare e Futbollit, ka postuar në faqen zyrtare, një video nga ecuria e punimeve në kompleksin sportiv të Partizanit.
FSHF e ka cilësuar një investim të jashtëzakonshëm këtë kompleks që po ndërtohet nga familja Demi, teksa pretendon se federata po kontribuon me mbi 600 mijë euro për ndërtimin e fushës, sistemin e ndriçimit dhe stolat.
NJOFTIMI I FSHF-së:
📍Kompleksi Partizani po merr formë ditë pas dite.
👏🏻 Një investimi i jashtëzakonshëm i klubit Partizani, familjes Demi dhe i mbështetur nga Federata Shqiptare e Futbollit.
✅ Për ndërtimin e këtij kompleksi FSHF po kontribuon me mbi 600 mijë euro për ndërtimin e fushës, sistemin e ndriçimit dhe sediljet e stadiumit.
⚽ Një tjetër xhevahir në infrastrukturën sportive i shtohet qytetit të Tiranës!
