Gjatë një interviste të dhënë për “Gazzetta dello Sport”, agjenti i futbollit Giovanni Branchini foli edhe për Kylian Mbappe, ëndrra e Real Madridit dhe Florentino Perez: “Varet nga PSG-ja. Real Madridi dëshiron ta ketë Mbappe menjëherë dhe ka ofruar 50 milionë euro për ta marrë në janar.
Nuk e di si do të shkojë. Patjetër më duket se iniciativa e Florentino Perez meriton vëmendje, është mesazh stabiliteti për sistemin. Më vjen keq për të gjithë që një lojtar i këtij niveli të lëvizë në verë falas. Si ta zëvendësojë atë klubi parizien? Do të jetë një verë e nxehtë, me Kane, Vlahovic dhe Haaland në tavolinë…”
