Ka ardhur koha për merkato dhe kjo bën që çdo ndryshim i vogël mund të interpretohet si një e dhënë për një transferim të mundshëm.
Memphis Depay ka ndryshuar foton e profilit të tij në Instagram ku vishte fanellën e Barcelona-s, duke e zëvendësuar dhe duke hequr edhe përshkrimin ku pohonte se ishte një lojtar blaugrana.
Më të vëmendshmit e kanë vënë re ndryshimin në orët e kaluara duke shtuar zërat për një largim të tij të mundshëm nga klubi.
Vendimi i Depay-t, që duket se është marrë pa asnjë arsye, ka shtuar zërat e merkatos që do ta donin larg lubit katalanas.
Pavarësisht përgënjeshtrimeve nga klubi dhe vetë fjalëve të thëna nga lojtari në intervistën e parë të vitit, i cili ka theksuar dëshirën e tij për ta kthyer Barçën në majë, e ardhmja e holandezit mund të jetë larg Camp Nou, vetëm gjashtë muaj pas zbarkimit të tij në Spanjë…
