Fituesi i Kupës së botës me Francën, Benxhamin Mendi, ka marrë një lajm të mirë pas skandaleve të tij për përdhunim. Mbrojtësi është liruar me kusht në një seancë private, e cila u mbajt ditën e sotme.
Gjithsesi, francezit i janë vendosur një sërë masash të rrepta. Ai do të duhet të dorëzojë pasaportën e tij, të mos ndryshojë adresën ku ai jeton dhe të mos ketë asnjë kontakt me personat që janë ankuar për të.
Mendi do të paraqitet në gjykatën e Çesterit në datë 24 janar, ndërsa seanca e tij përfundimtare është caktuar për në datë 27 qershor.
