Më në fund, Ante Rebic. Një nga lajmet e mira për Milanin, në ndeshjen e sotme të Kupës së Italisë ndaj Genoa, është padyshim ai i rikthimit nga minuta e parë i kroatit, i cili nuk ka startuar që nga tetori i kaluar. Do të jetë në dorën e tij, së bashku me Maldinin dhe Saelemaekers, të mbështesin majën e sulmit kuqezi, Giroud, për të shkuar në çerekfinalet e Kupës së Italisë.
Milani, ka zbuluar sot në mëngjes gazeta ‘L’Arena’, menjëherë pas dëmtimit të Simon Kjaer i ka dërguar Hellas Verona një ofertë prej 8 milionë eurosh për mbrojtësin Nicolò Casale. Përgjigjja ka qenë negative nga klubi në pronësi të Settit, i cili planifikon ta mbajë lojtarin të paktën deri në fund të këtij sezoni dhe më pas, në çdo rast ta shesë në verë për një shifër më të lartë.
