Australia i ka anuluar vizën tenistit serb, Novak Djokovic për të dytën herë me radhë. Vendimi i ministrit për Migrim të Australisë, Alex Haëke nënkupton se tani Djokovic përballet me dëbim nga shteti, raporton BBC.
Megjithatë, tenisti 34-vjeçar mund të apelojë vendimin dhe të nisë sërish një proces gjyqësor për të qëndruar në Australi.
Tenisti numër një në botë në kategorinë e meshkujve ishte parashikuar që të luante në turneun Australian Open, që nisi të hënën.
Fillimisht Djokovic i ishte anuluar viza pasi arriti në Melbërn më 6 janar. Autoritetet kufitare gjetën se ai kishte “dështuar që të ofronte të dhëna të duhura” për një përjashtim mjekësor, që i mundësonte t’i shmangej rregullave për koronavirus.
Në Australi ka pasur zemërim të madh të publikut, pasi ky shtet ka pasur disa nga rregullat më strikte kundër pandemisë.
