120 minuta lojë dhe 5 gola. El Clasico nuk ka zhgënjyer.
Real Madrid ka fituar gjysmëfinalen e Superkupës së Spanjës të luajtur kundër Barcelona-s në Riad dhe ka siguruar një vend në finale, ku do të përballet me fituesen e Atletico Madrid- Athletic Bilbao.
Super sfida është vendosur në kohën shtesë pasi 90 minutat janë mbyllur 2-2 pas golave të Vinicius Junior (25′), De Jong (42′), Benzema (72′), Ansu Fati (83′).
Në shtesën e parë, në minutën e 98-të, ka qenë Valverde që ka realizuar golin që ka vendosur ndeshjen pas një kundërsulmi perfekt të Los Blancos.
Karim Benzema ka dhënë një asist dhe ka shënuar në një ndeshje kundër Barcelona-s për herën e parë në karrierën e tij me Real Madrid, duke u bërë lojtari i parë i Real-it që e bën një gjë të tillë pas Sergio Ramos në majin e 2009-ës.