2022 s’ka pak që ka filluar, por që tani ka filluar numërimi mbrapsht për evente kryesore në botën e futbollit.
Nga playoff-et për kualifikimin në Kupën e Botës te vetë turneu që do të zhvillohet në Katar dhe Topi i Artë për të cilin, sipas Rivaldo-s, duhet të votohet pas Kupës së Botës.
Zakonisht, në fakt, gjykimet e ekspertëve jepen në muajt para ceremonisë së dhënies së çmimit. Megjithatë, këtë vit Botërorit do të zhvillohet mes nëntorit dhe dhjetorit dhe votimi duhet të ndryshojë.
Legjenda braziliane, fitues i Topit të Artë 1999, ka dhënë mendimin e tij në lidhje me favoritët:
“Besoj se Messi dhe Lewandowski e kanë mbyllur 2021 dhe e kanë filluar 2022 në të njëjtën mënyrë, duke u kandiduar për fitoren edhe këtë vit”, ka thënë Rivaldo për Betfair.
“Por besoj se edhe Mbappe ka mundësi të mira sepse mund të fitojë Champions League me PSG dhe Kupën e Botës me Francën. E njëjta gjë mund të thuhet për Neymar, që luan për të njëjtin klub dhe është lideri i Brazilit.
“Gjithsesi, mendoj se France Football duhet të presë fundin e Botërorit para se të nisë votimet për lojtarin e vitit sepse shumë do të varet nga paraqitja e lojtarëve në Kupën e Botës”.