Kërcënimet dhe fyerjet ndaj familjes Anjeli nuk ka në munguar thuajse asnjëherë, por pakkush priste që tashmë edhe tifozët e Juventusit t’i kundërviheshin drejtuesit më të lartë të klubit të tyre. Një parullë e cilësuar e papranueshme është shfaqur dje mes ultrasve të Juventusit dhe kishte si objektiv pikërisht presidentin Andrea Anjeli.
“Anjeli vdis”, shkruhej në këtë parullë që tifozët e Juves hapën gjatë Superkupës ndaj Interit, duke shprehur pakënaqësinë e tyre kundër drejtuesit të cilin ata e kanë akuzuar se po shkatërron gjithçka ishte ndërtuar me mund në një dekadë.
Një parullë e cila është vlerësuar si e papranueshme dhe nga drejtuesit e Ligës së Futbollit dhe para Asamblesë së sotme, ka qenë presidenti i Ligës, Paolo Dal Pino, ai i cili i ka shprehur solidaritetin drejtuesit të bardhezinjve dhe u ka bërë thirrje klubeve që të evitojnë shfaqje të tilla nga tifozët e tyre.
