Gjatë intervistës për “Playsport”, Radu Dragusin zbuloi edhe një histori merkatoje: “Në verë, ndërsa ishim në palestër, Ronaldo më tha se presidenti i Sporting-ut e kishte telefonuar, sepse ishte i interesuar për mua.
Kjo ndodhi në një kohë kur më duhej të vendosja nëse do të qëndroja apo jo te Juventusi. Mora kohë për të vendosur”, – kujtoi qendërmbrojtësi, i cili sot luan i huazuar te Sampdoria.
Ai ka vetëm lëvdata për CR7: “Të gjithë e respektonim. Ai kurrë nuk na shikonte me arrogancë. Mund të flisnit me të për gjithçka, ishte shumë i dëgjueshëm”.
