Ligue 1 do të kthehet përsëri mbrëmjen të premten në mbrëmje me Caen-Marseille, takim i vlefshëm për javën e 22-të të kampionatin francez. Caen ka marrë një fitore të rëndësishme 2-0 në fushën e Bordeaux në mesjavë, pavarësisht se takimi është dominuar nga vendasit. Gjithsesi Caen i ka rezistuar sulmeve të “dallëndysheve” dhe, në fund, ka arritur të marrë një fitore që i mungonte prej gjashtë ndeshjesh në Ligue 1.
Falë atyre tri pikëve ata mbajnë vendin e 9-të në renditje me 27 pikë të grumbulluara në 21 javët e para të kampionatit. Në shtëpi, Caen ka marrë 17 nga 27 pikë të mundshme, por ka pasur një ecuri të keqe në ndeshjet e fundit, siç tregojnë dy humbje dhe një barazim i marrë në tre takimet e fundit. Vendasit, në fakt, nuk fitojnë në shtëpi që nga nëntori. Për ballë do të ketë një Marseille që duket se nuk ka ndërmend të ndalet dhe është në kërkim të fitores së katërt radhazi në kampionat. Në mesjavë ka ardhur fitorja e radhës kundër Strasbourg, që e ka ndihmuar skuadrën e Rudi Garcia-s të ngjitet e vetme në vendin e dytë me 44 pikë.
Për më tepër, në ndeshjet e luajtura në transfertë, Marseille ka humbur vetëm 2 nga 11, por në katër transfertat e fundit ka ardhur vetëm një fitore. Për sa i takon përballjeve direkte, Marseille ka realizuar 10 gola kundër në 2 ndeshjet e fundit të luajtura kundër Caen, me këta të fundit që kanë humbur 4 ndeshjet e fundit të kampionatit që kanë luajtur në shtëpi kundër Marseille.
