U transferua me buje nga maqedonasit e Borec drejt Vllaznisë, në janarin e vitit 2020, por futbollisti Simon Hristov rezultoi një zhgënjim te shkodranët duke mos lënë asnjë gjurmë.
Pas aventurës të dështuar te klubi kuqeblu, Hristov u transferua te Tikves, ndërkohë që së fundmi është bërë pjesë e maqedonasve të Rabotniçkit.
Lajmi është konfirmuar nga klubi bardhekuq nëpërmjet një postimi në faqen zyrtare, ku bëri me dije se sulmuesi 29-vjeçar do të jetë pjesë e tyre.
Hristov ka një CV mjaft të pasur. Në Shqipëri ka qënë pjesë e Vllaznisë, ndërsa ka dhënë kontributin e tij me fanellën e Tikves, Euromilk, Egri, Vardar, Vardar Skopje, apo edhe Teteks Tetovo. Vlen të theksohet se Rabotniçki renditet në vendin e tetë në kampionat, me 22 pikë të grumbulluara.
