Marash Kumbulla konfirmon fjalët e mira të shprehura nga Murinjo, madje gjen edhe golin. Shqiptari bëri një ndeshje për notën 7.5, nëse nuk do të kishte qenë se në rastin e disavantazhit leçez, do të humbte Kalabrezin, ndonëse goli i shpëton sfidën dhe e mbyll me notën 6.5:
“Nuk komunikon me Ibanjezin në aksionin e golit të Leçes, por pas saj fusin në kafaz Olivierin dhe Kodën. Shqiptari i cili nuk kishte ndër mend të zhgënjente Murinjon pas faljeve publike gjen barazimin me kokë dhe i hap rrugën fitores së kryeqytetasve”.
DERMAKU 6 – Edhe për qendërmbrojtësin e Leçes, Kastriot Dermakun, elozhe nga media italiane, ndonëse nuk kuptohet pse zëvendësohet në fund të pjesës së parë.
“I vetmi që arriti të ndalonte me çdo mjet përbindëshin Abraham. Me bërryla e me forcë, shqiptari ishte ai që mbajti mbrojtjen puljeze gjallë, ndonëse në rastin e barazimit të Kumbullës nuk kishte se çfarë të bënte. Nuk rikthehet në fushë në pjesën e dytë dhe prapavija leçeze thjesht shkërmoqet nga Abraham”.
