Mançester Junajtid do të presë në “Old Trafford” skuadrën e Midëllsbrou mbrëmjen e 4 shkurtit për sfidën e 1/16-ave në Kupën FA.
Mirëpo trajneri i Midëllsbrou, Kris Uilder, i ka vënë një urdhër të rreptë futbollistëve të tij, që ka të bëjë me portugezin Kristiano Ronaldo.
Ata nuk duhet të kërkojnë për një uniformë të sulmuesit përpara sfidës, sepse kjo do t’i shpërqëndronte ata.
“Ata mund të bëjnë çfarë të duan pasi ndeshja të mbarojë, por përpara saj ata duhet të jenë të fokusuar. Nuk kemi ardhur këtu për turizëm”, u shpreh Uilder në konferencën për shtyp.
