Ndeshja mes Laçit dhe Vllaznisë prodhoi shumë polemika. Një ndër më rastet të kontestuara ishte goli i anuluar i Vllaznisë.
Gjurgjeviç kaloi në avantazh shkodranët, por goli i tij u anulua sepse Da Silva preku topin me dorë në fillim të aksionit. Arbitri Eldorjan Hamiti u konsultua me VAR-in dhe anuloi golin. Për këtë vendim është shprehur dhe Renato Malota.
Mbrojtësi i Laçit ka postuar një foto në Instagam ku duket momenti i prekjes me dorë.
“Një sqarim për ato që akoma mendojnë që goli ishte i rregullt”, shkruhej në postim.
Ndeshja përfundoi 1-0 në favor të Laçit, ku golin e vetëm të sfidës e shënoi Guindo me penallti.