Në çerekfinalen e Kupës së Italisë, Roma është mysafire e Interit në stadiumin “Giuseppe Meazza”. Për të arritur në këtë pikë të kompeticionit, zikaltrit mundën Empolin në 1/16-at pas kohës shtesë, ndërsa Roma eliminoi Leçen në nëntëdhjetë minuta.
– Interi dhe Roma janë ndeshur 21 herë në Kupën e Italisë. Shtatë fitore verdhekuq, 2 barazime dhe 12 fitore të Interit.
– Bilanci në ndeshjet e luajtura në Milanos është vetëm 2 fitore për Romën (një në gjysmëfinalen e viteve 1936-1937, e dyta në atë të 2012-2013-ës, që është edhe precedenti i fundit). Në ndeshjet e tjera janë regjistruar një barazim dhe 8 fitore për Interin.
– Zhoze Murinjo, ish-i i madh i ndeshjes, u përball me Interin dhe Simone Inzagin si kundërshtar në ndeshjen e kampionatit, e cila përfundoi 3-0 për Interin. Inzagi, nga ana e tij ka mposhtur Romën 5 herë në 13 kryqëzime, teksa ka regjistruar 3 barazime dhe 5 humbje.
– Murinjo ka humbur vetëm një ndeshje në karrierën e tij në Kupën e Italisë, 3-0 kundër Sampdorias në ndeshjen e parë të gjysmëfinales 2008/2009, duke fituar të tjerat.
– Golashënuesi më i mirë i ndeshjes është Arturo Vidal, me 4 gola të shënuar ndaj Romës. Një tjetër lojtar i Interit, Matias Vesino, e ndjek në 3. Në kuotën 2 janë Ivan Perisiç, Lorenco Pelegrini dhe Hakan Çalhanoglu.