Vijareali do të përballet në shtëpi me Juventusin në sfidën e parë të 1/8-ve në Ligën e Kampionëve, me të dyja ekipet që kërkojnë një rezultat pozitiv.
Për Juventusin shihet titullar Dushan Vlahoviç, i cili do të debutojë për herë të parë në karrierën e tij në Ligën e Kampionëve.
Nga ana tjetër, Vijareal do të kërkojë të surprizojë “Zonjën” me Unai Emeri në drejtim, i cili gjithmonë ka qenë një problem për ekipet e mëdha.
LIVE/ Villarreal – Juventus 1-1
Parejo 66′ / Vlahoviç 1′
KOMENTI LIVE:
Mbyllet ndeshja
84′ Pranë golit të dytë Juventusi me Vlahoviç, por gjuajtja e tij u ndal nga portieri Ruli, i cili u tregua i vëmendshëm.
66′ GOOOOL VIJAREALI 1-1/ Skemë fantastike, spanjollët gjejnë golin e baraspeshës me Parejon!
55′ Vijareali nuk heq dorë nga sulmet e rrezikshme! Spanjollët ushtrojnë presion të rrezikshëm në zonën e Juventusit.
46′ Starton pjesa e dytë!
45′ Akordohet 1 minutë shtesë!
35′ Provon edhe Kapue nga distanca, por tentativa e tij shkon mbi kuadratin e Sheznit.
25′ Juventusi provon të reagojë me Moratën, por sulmuesi nuk ka shënjestrën e duhur. Bardhezinjtë duken të kënaqur me avantazhin e 1 goli.
20′ Minuta mjaft të mira për vendasit e Vijarealit, që kërkojnë me ngulm golin e barazimit.
16′ Sërish pranë golit Vijareali me Danjuman, që provoi të shënonte me finte nga brenda zonës, por topi përfundoi në duart e Sheznit.
12′ Mundësi fantastike për Vijarelin me Lo Selson, por shylla i mohoi golin e barazimit spanjollëve.
1′ GOOOL JUVENTUS 0-1/ Vetëm 32 sekonda i mjaftojnë serbit Vlahoviç për të debutuar me gol në Champions!
1′ Starton dueli në Spanjë! Atmosferë elektrizuese në shkallët e stadiumit!
