Legjenda e boksit botëror, Majk Tajson, ka treguar se ka pasur probleme në fëmijërinë e tij, por më së shumti ka shokuar me deklaratën e tij, ku e ka quajtur vdekjen e mamasë së tij si gjënë më të mirë që i ka ndodhur në jetë.
“Një nga gjërat më të mira që më ka ndodhur në jetë është vdekja e mamasë time, sepse ajo do të më trajtonte si një bebe. Nëse ajo do të ishte gjallë, unë kurrë nuk do të merrja pjesë në sherret e rrugës, nuk do të mund të mbroja veten”, ishin fjalët e Tajsonit.
Mamaja e legjendës së boksit, Lorna Tajson, vdiq nga kanceri në vitin 1982, kur Majk ishte vetëm 16 vjeç dhe tre vite para se ai të bëhej një boksier profesionist.
