Interi do të presë sot në mbrëmje Romën në çerek finalen e Kupës së Italisë, në një ndeshje që vjen fill pas humbjes në derbi. Katër muajt e fundit të zikaltërve kanë qenë fantastikë, pasi jo vetëm rikuperuan shumë pikë dhe morën kreun e klasifikimit të kampionatit, por arritën të fitojnë edhe Superkupën e Italisë.
Por, ecurisë pozitive të Interit i erdhi fundi me humbjen në derbi, në një ndeshje të çuar dëm, ku dorëzuan një fitore që deri në minutën e 75-të ishte e tyre. Ndërkohë në krahun tjetër, Zhoze Murinjo rikthehet për herë të parë në “San Siro”-n zikaltër si kundërshtar. Hera e parë e portugezit me Romën e tij përballë Interit në Milano vjen për ndeshjen e Kupës së Italisë.
Interi dhe Roma janë ndeshur 21 herë në Kupën e Italisë. Shtatë fitore verdhekuq, 2 barazime dhe 12 fitore të Interit. Bilanci në ndeshjet e luajtura në Milanos është vetëm 2 fitore për Romën (një në gjysmëfinalen e viteve 1936-1937, e dyta në atë të 2012-2013-ës, që është edhe precedenti i fundit). Në ndeshjet e tjera janë regjistruar një barazim dhe 8 fitore për Interin.
LIVE/ Inter – Roma 2-0
2′ Xheko, 68′ Sançez
68’ Sançez sheh hapësirë para tij dhe gjuan në portë, duke dërguar topin në trekëndësh, 2-0.
63’ Barela provon me një gjuajtje nga distanca, Rui Patricio i mohon golin.
61’ Oliveira gjuan nga distanca, sfera devijohet dhe shkon drejt portës, Handanoviç bën mrekullinë dhe devijon topin mbi traversë.
46’ Marash Kumbulla hyn në fushën e lojës në vend të Ibanez.
44′ Bastoni del i dëmtuar nga fusha.
18’ Handanoviç bën mrekullinë, devijon me këmbë gjuajtjen e Zaniolos.
16’ D’ Ambrosio rrezikon autogolin
5′ Barela gjuan nga distanca por topi ndalet nga traversa.
2′ Xheko nuk vonon të shënojë golin e avantazhit.
1′ Tifozët e Interit i rezervuan një pritje të ngrohtë Zhoze Murinjos, duke shpalosur një baner kur shkruhej: “Mirë se u riktheve në shtëpi Zhoze Murinjo”.
