Do të startojë në orën 13:45, supersfida mes Laçit dhe Kukësit, e cila pritet të jetë tepër vendimtare për sa i përket objektivave të të dyja skuadrave këtë sezon.
Kurbinasit e Josës vijnë në këtë duel pas 4 fitoresh radhazi, duke u vënë në ndjekje të kryesuesve të Tiranës me 40 pikë në 20 ndeshje. Nga ana tjetër verilindorët e Longos, renditen në vendin e 3-të me 37 pikë, 3 me pak se Laçi.
Për sa i përket formacioneve zyrtare, te bardhezinjtë, bie në sy mungesa e goleadorit Guindo, i cili nuk është në dispozicion për këtë takim, për shkak të një kontraktimi muskulor. Një humbje e madhe kjo për trajnerin Mirel Josa, që ka humbur yllin e skuadrës. Në krahun tjetër bie në sy aktivizimi nga minuta e parë e Vasil Shkurtajt, i cili duket se ka kapur formën e duhur.
Gjithnjë ekipi i Longos është stopuar te ndeshja e tretë, pavarësisht se mundësitë nuk i kanë munguar për të vijuar me këtë ecuri. Mbetet për t’u parë nëse ky trend negativ do të thyhet pikërisht të dielën ndaj kurbinasve, në një takim me shkallë vështirësie të lartë
LIVE: LAÇI-KUKËSI 3-0
Malota 7′ , Adeleke 41′ , Zulfiu 90+2′
KOMENTI LIVE:
90+2′ GOOOOL LAÇI 3-0/ Zulfiu trefishon shifrat! Shpërthen festa në stadium! Lojtari heq dhe fanellën dhe shkon të festojë me tifozët! Atmosferë elektrizuese.
90+1′ Zëvendësim te Laçi largohet nga fusha Ziko, në vend të tij Spahiu.
90′ Akordohen 3 minuta shtesë!
84′ Moment i rrezikshëm në portën e Laçit, Musta, shikon topin ti kalojë para syve, teksa nuk arrin ta shtyjë drejt rrjetës nga shumë pranë.
81′ Josa kryen zëvendësimin e parë, largohet nga fusha autori i golit të dytë Adeleke, në fushë Zulfiu.
79′ Zëvendësim i fundit te Kukësi, lagohet nga fusha dhe Shqipërim Taipi, në vendin e tij Kristi Marku.
76′ Rrezikon edhe Kukësi me Milunoviç, tentativa e serbit u ndal nga Dajsinani, që devijoi topin në këndore.
73′ Çfarë mundësie për skuadrën e Laçit, pas një kundërsulmi 3 ndaj 1, Deliu pasoi për Ujkën, ky i fundit provoi me një gjuajtje, që u grushtua nga Tafas.
71′ Pranë golit të tretë Laçi me Shehun, por gjyqtari sinjalizon pozicion jashtë loje.
68′ Gligorov është i ndëshkuari i radhës për ndërhyrje të gabuar ndaj Mazrekajt.
64′ Dy zëvendësime të tjera te Kukësi, largohen De Lukas dhe Gjelbërim Taipi, në lojë Milunoviç dhe Krniç.
62′ Superaksion i Mazrekajt, por e pabesueshme çfarë humbet Veliaj, shumë pranë vijës fatale. Nuk iu besojnë sytë laçianët.
60′ Pranë golit të tretë Laçi. Pas një harkimi nga këndi nga ana e Deliut, Velkovski godet bukur me kokë, por topi grushtohet nga portieri Tafas.
55′ Kukësi kryen dy zëvendësime, largohen Ndreca dhe Basha, në fushë Hila dhe Fejzhao.
51′ Rrezikun e parë në këtë pjesë të dytë e krijon Kukësi me kapitenin Gjelbërim Taipi, por tentativa e tij shkon jashtë kuadratit.
46′ Starton pjesa e dytë!
Malota 7′ , Adeleke 41′
KOMENTI LIVE:
Mbyllet pjesa e parë!
45′ Akordohet 1 minutë shtesë!
45′ Pranë golit Kukësi me Bruno Lulajn, gjuajtja e mbrojtësi me kokë shkon mbi kuadrat. Rasti më i mirë për Kukësin në këtë pjesë të parë.
43′ Ndreca është futbollisti i parë i ndëshkuar me karton të verdhë për ndërhyrje të gabuar në mesfushë!
41′ GOOOOL LAÇI 2-0/ Spektakël bardhezi, Adeleke realizon një gol mjaft të bukur, duke përfituar nga një gabim i De Lukasit. Ishte Deliu ai që dhuroi asistin fantastik për sulmuesin.
38′ Kundërsulm i shpejtë i Laçit, Adeleke kombinon me Deliun, por vendimtare ndërhyrja e Jorgo Pëllumbit brenda zonës!
33′ Musta provon me një goditje nga 35 metra, por topi shkon drejt e në duart e portierit Dajsinani.
26′ Momente tensioni në Laç, pas një faulli të shkaktuar nga Deliu ndaj De Lukas.
23′ Kundërsulm i shpejtë i Laçit, por Veliaj, vonohet në vertikalizim, duke sfumuar një mundësi të artë shënimi!
18′ Provon edhe Mazrekaj nga distanca, por gjuajtja e mesfushorit shkon jashtë kuadratit!
15′ Kundërpërgjgijet Kukësi me sulme të vazhdueshme nga të dyja krahët! Velkovski rrezikon autogolin pas harkimit të Ndrecës nga e majta. Për fatin e mirë të laçianëve, topi ka shkuar mbi traversë.
7′ GOOOOL LAÇI 1-0/ Zhbllokohet sfida! Renato Malota shënon një gol fantastik me kokë! Shpërthen festa në Laç!
6′ Atmosferë e zjarrtë edhe në shkallët e stadiumit. Laçi i Mierl Josës duket më kërkues, teksa ushtron presion të vazhdueshëm në zonën e Kukësit.
3′ Ndeshja nis zjarr me sulme nga të dyja krahët! I pari që kërcënon portën e Tafas, ishte Veliaj, por gjuajtja e tij u ndal nga Tafas.
