Antonio Kasano, i cili ka qenë gjithmonë kritik ndaj ideve të futbollit të Masimiliano Alegrit, edhe pse nën drejtimin e tij te Milani në vitin 2011 fitoi titullin kampion, ka shpërthyer dje pas barazimit të bardhezinjve me Torinon. Nëpërmjet analizave që bëri në rrjetin “Bobo TV”, ish-fantazisti nuk është përmbajtur dhe ka shfryrë edhe ndaj Vlahoviçit:
“Përjashtuar euforisë që kishte për debutimin ndaj Veronës dhe golit që bëri, kundër Atalantës dhe Torinos pashë një Vlahoviç që u lodh shumë në fushë për të krijuar lojë. Vërtet ka vullnet që edhe të përplaset me rivalët, por është gjithmonë i vetëm në fazën sulmuese.
Kjo, pasi Alegri i kërkon Moratës edhe Dibalës që të bëjnë më së shumti mbrojtësit e krahëve sesa të punojnë topin. Kur shoh Moratën dhe Dibalën që të luajnë në cep të fushës dhe të duelojnë me 3-4 mbrojtës pasi janë shumë larg porte, kjo për faj totalisht të Alegrit, më shtrëngon zemra”.
