Pas ngjarjeve të rënda të ndodhura në Meksikë, gjatë ndeshjes mes Kueretaros dhe Atlasit, e cila u ndërpre si sfidë pasi tifozët pushtuan fushën duke filluar kaosin brenda dhe jashtë stadiumit, ka ardhur dhe reagimi i FIFA-s për këtë ngjarje “horror” ku më shumë se 17 persona ndërruan jetë pas këtyre përleshjeve.
Qeveria e futbollit botëror dënon këto akte dhune dhe deklaron se i qëndron pranë Federatës së Meksikës së Futbollit dhe CONCACAF-it:
“Jemi të shokuar nga këto incidente tragjike. Dhuna është e papranueshme dhe e patolerueshme.
FIFA i bashkohet Federatës së Futbollit të Meksikës dhe CONCACAF-it në dënimin e kësaj dhune barbare dhe inkurajon autoritetet vëndase të vënë drejtësinë sa më shpejt.”, përfundoi reagimin FIFA.