Sulmuesi i kombëtares shqiptare, Sokol Cikalleshi, padyshim që ka qenë lojtari më i mirë në fitoren e ekipit të tij, 2-3 përballë Kajserispor, me 30-vjeçarin që shënoi 2 gola.
Kjo performancë fantastike e vuri sulmuesin shqiptar në formacionin më të mirë të javës në Turqi. Por kjo nuk ishte e gjitha.
Cikalleshi gjithashtu ka pushtuar dhe faqen e parë të mediave turke, të cilat shkruajnë: “Kokëfortësi shqiptare”, dhe shtojnë më poshtë: Pavarësisht se humbi fanellën e titullarit nga Ahmed Hasan, sulmuesi shqiptar i Konjasporit, Sokol Cikalleshi nuk hoqi dorë nga puna. Në mungesë të Hasanit, sulmuesi me eksperiencë, i cili doli në 11-shen e parë të ndeshjes së Kajserispor, shënoi 2 gola në ndeshjen e Kajseriut, ashtu si në ndeshjen e Goztepe, duke e çuar skuadrën e tij drejt fitores”.
