Gjithsesi në Angli kanë zgjedhur të tallen me Juventusi pas disa episodeve, të cilat sipas tyre ishin vërtet të turpshme për t’u bërë.
Në një moment, D’ Ambrozio ngre dorën e tij dhe padashur kap fytyrën e Vlahoviçit. Pas këtij momenti, serbi shikon njëherë nga mbrojtësi dhe më pas rrëzohet në tokë për të kërkuar penallti, por gjyqtari nuk e shikon të tillë. “Është bezdisëse të shikosh se si një futbollist 90 kile bie si një kumbull në tokë”, shkruhej në një gazetë angleze.
Episodi i dytë që tërhoqi po ashtu vëmendje ishte një përplasje midis Darmian dhe De Ligt në hyrje të zonës, ku italiani gjithashtu e prek në fytyrë holandezin dhe ky i fundit bie në tokë duke pretenduar për një tjetër 11-metërsh, por sërish gjyqtari nuk e akordon.
Këtë episod, anglezët kanë zgjedhur që ta krahasojnë me ngjarjen që ndodhi në ndarjen e çmimeve “Oscar”, ku aktori Uill Smith, qëlloi me shpullë komedianin Kris Rok.
