Gola, spektakël, emocione. Kjo është ajo që dhuroi Premier League këtë fundjavë me ndeshjen kryesore të saj mes Manchester Cityt dhe Liverpool, sfidë kjo që përfundoi 2-2.
Në pjesën e parë, Manchester City dhe Liverpool kanë dhuruar spektakël. 45 minutat e para përfunduan 2-1, me të dyja skuadrat që treguan një futboll të një niveli të lartë në Etihad.
Në minutën e katërt, një goditje e de Bruyne dhe një devijim topi i jep avantazhin ekipit të Pep Guardiolës. Ky gol i shpejtë nuk demoralizon aspak të kuqtë, të cilën gjejnë forcën dhe barazojnë në minutën e 13-të, me portugezin Jota. Në minutën e 28-të, Phil Foden do dërgonte një krosim interesant, por topi do largohej menjëherë nga zona e rrezikshme.
Minutat e tjera do shërbenin për aksione sporadike, teksa nuk mungoi as Gabriel Jesus që konkretizoi më së miri një sulm të minutës së 37-të. Gjithçka nis nga këmbët e Cancelos, i cili jep një assist.
Pjesa e dytë do niste mirë për miqtë, pasi Mane do shënonte me të djathtën e tij vrasëse. Pas pak minutash, VAR do i anulonte një gol Sterling-ut, për pozicion të parregullt.
Manchester City kryesues shkon kështu në kuotën e 74 pikëve, ndërsa Liverpool e ndjek me një pikë më pak.