Futboll Sport

FINALJA E “CONFERENCE LEAGUE”/ Ja kush do vendosë drejtësi në ndeshjen Feyenoord-Roma në Tiranë

Komiteti i arbitrave të UEFA-s ka zbuluar se rumuni Istvan Kovacs do të gjykojë finalen e Conference League 2022, mes Romës dhe Feyenoord, që do të luhet në “Air Albania” në Tiranë, të mërkurën më 25 maj në orën 21:00.

Kovacs është një arbiter që ka gjykuar në ndeshjet e kompeticioneve europiane që nga viti 2010 dhe do të marrë drejtimin e finales së tij të parë të kompeticionve të UEFA-s për klube. Këtë sezon, 37-vjeçari ka drejtuar në 10 ndeshje të kompeticioneve për klube të UEFA-s, duke përfshirë takimin e parë të gjysmëfinales së Champions League ndërmjet Manchester City-t dhe Real Madrid.

Në 20 ndeshjet e fundit që ka drejtuar në arenën europiane, Kovacs ka dhënë 141 kartonë të verdhë ose 7 për ndeshje, 3 kartonë të kuq dhe 7 penallti.

Kovacs do të ndihmohet nga dy rumunë të tjerë, Vasile Florin Marinescu dhe Mihai-Ovidiu Artene. Arbitri i katërt, Sandro Scharer, është nga Zvicra. I pari i VAR-it është caktuar gjemani Marco Fritz dhe ai do të ndihmohet nga bashkatdhetarët Christian Dingert dhe Bastian Dankert.

Ekipi i arbitrave të finales së UEFA Conference League 2022:

Arbitër kryesor: Istvan Kovacs (Rumani)

Asistentë: Vasile Florin Marinescu, Mihai-Ovidiu Artene (Rumani)

Arbitër i katërt: Sandro Scharer (Zvicra)

Asistent VAR: Christian Dingert (Gjermani)

Mbështetje VAR: Bastian Dankert (Gjermani)

Related posts

Dështon miqësorja me Kosovën, shkak Zvicra

Sadik.Autor

IBRA MBETET I NJËJTË/ Suedezi i vë DUART NË FYTYRË kundërshtarit, GJOBITET RËNDË (VIDEO)

Isa.Autor

Dedikimi rrëqethës i Piter Shmajkel për të birin: Vetëm pasi të na jenë tharë lotët…

Isa.Autor

Leave a Comment