Futboll Sport

LIGA E KONFERENCËS/ Të veçanta nga finalja e Tiranës mes Romës dhe Fejnordit

 

Ka fituar dy herë Champions League dhe dy herë Europa League, Zhoze Murinjo ka shansin të fitojë edhe kompeticionin e tretë të UEFA-s për klube. Në sezonin 2003-2004 ai fitoi Ligën e Kampioneve me portugezët e Portos, duke mposhtur 3-0 në finale Monakon. Disa vite më vonë ai ishte edhe trajneri që i ktheu trofeun më të rëndësishëm për klube Interit pas 45 vitesh. Sa i përket Europa League, ai e ka ngritur lart këtë trofe me Porton në 2002-2003 dhe me Mançester Junajtidin në 2016-2017. Tirana është shansi i Murinjos që të bëhet trajneri i parë që ka fituar të tria kompeticionet e UEFA-s për klube.

Roma, për trofeun e parë europian

Në vendin e dytë në Kupën e Kampionëve në 1984-ën, pasi fitues u shpall Liverpuli, Roma ka humbur edhe finalen tjetër të Kupës UEFA kundër Interit në 1991-shin. Shansi për të fituar trofeun e parë europian është ndeshja me Fejnordin në Tiranë.

Fejnordi, për rekorde

Fitues i Champions League në 1970, atëherë quhej Kupa e Kampioneve dhe në vitin 2002 triumf në Kupën UEFA, holandezët kanë shansin për t’u bërë klubi i parë që shtie në duart e tyre të tria kompeticionet e UEFA-s. Historia e Fejnordit me trofe në Europë nis në sezonin ‘69-‘70, ku ata fitojnë trofeun më të rëndësishëm të UEFA-s, duke mposhtur në finale skocezët e Sëlltikut vetëm në minutën e 117-të. Ndërkohë që 4 vite më vonë, ‘73-’74, Fejnordi ngre lart trofeun e Kupës UEFA, kundër Totenhemit në finale. Kupa e fundit europiane është po UEFA, në 2002-shin kur mposhti Dortmundin 3-2 me golat e Tomason dhe dy nga Hojidonk.

Detaje nga trofeu

Trofeu i Ligës së Konferencës është 57.5 cm i gjatë dhe peshon 11 kg. Ai përbëhet nga 32 gjemba gjashtëkëndore – një për çdo ekip në fazën e grupeve të garës – duke u përdredhur dhe lakuar nga baza. Skuadra fituese shpërblehet me 40 medalje ari dhe nënkampionët me 40 medalje argjendi. Fituesit fitojnë një vend në fazën e grupeve të Europa League 2022-2023, nëse nuk janë kualifikuar përmes kompeticioneve vendase.

Cili vendoset si ekipi pritës?

Emri i ekipit që do të jetë pritës në këtë finale është vendosur nëpërmjet një shorti që u hodh më 18 mars. Kështu që ana e ekipeve ku ishte e vendosur edhe Roma u përzgjodh si pritës, kështu që ndeshja do të etiketohet si Roma-Fejnord.

Ngjyrat e fanellave

Të dyja finalistet mund të vishnin uniformën e parë, por në këtë rast ka një përplasje ngjyrash, kështu që është përcaktuar që klubi mik, që është Fejnordi, duhet të përdorë një fanellë alternative.

Related posts

E BUJSHME NË ITALI/ Antonio Conte tek selia e Interit, “Zikaltrit” sigurojnë portierin e talentuar

Delo.autor

E PABESUESHME/ Pogba: Në celular kam pasur një gol të Ibrës, e kam si…(VIDEO)

Isa.Autor

FRIKË NGA “KORONAVIRUSI”/ Klubi i Premier League ndalon që lojtarët dhe stafi të…

Delo.autor

Leave a Comment