Futboll Sport

SHQIPËRIA U-19/ Përgatitjet në prag të eliminatoreve të Kampionatit Europian, zyrtarizohen dy miqësoret në muajin qershor

Ekipi Kombëtar U-19 ka zyrtarizuar dy ndeshje miqësore ndaj përfaqësueses së Malit të Zi U-19 në muajin qershor.

Departamenti i Komunikimit në FSHF bën me dije se dy federatat kanë rënë dakord për zhvillimin e këtyre dy sfidave në datat 5 dhe 7 qershor.

Ndeshja e parë do të zhvillohet në Malin e Zi, më 5 qershor, në ora 17:30, teksa përballja e dytë do të luhet në po të njëjtën orë në Shkodër, në stadiumin “Loro Boriçi”.

Këto janë dy ndeshje mjaft të vlefshme për skuadrën dhe stafin e Kombëtares U-19, me në krye trajnerin Armando Cungu, në kuadër të përgatitjeve që ekipi po zhvillon për eliminatoret e Kampionatit Europian 2022/2023 me ndeshjet që do të zhvillohen në muajin shtator në Belgjikë, e ku kuqezinjtë janë shortuar në Grupin 7 së bashku me Spanjën, Belgjikën dhe Rusinë, teksa kjo e fundit është pezulluar nga të gjitha kompeticionet e UEFA-s dhe nuk do të jetë pjesë e këtyre eliminatoreve.

Duke qenë se janë data zyrtare trajneri trajneri Cungu do të ketë mundësi të ftojë të gjithë lojtarët e mundshëm, jo vetëm ata që aktivizohen në kampionatin shqiptar, por edhe ata që luajnë në kampionatet e huaja.

Data se kur do të nisë grumbullimi dhe lojtarët e ftuar për këto dy sfida miqësore do të bëhen me dije në ditët në vijim në faqen zyrtare të Federatës Shqiptare të Futbollit.

Related posts

Dy gjermanë mund të zëvendësojnë Unai Emery tek Paris SG

Sadik.Autor

“KY ËSHTË NJË MENDIM PERSONAL”/ Luis Figo zbulon emrin: Këtë super lojtar duhet të transferojë Perez…

Delo.autor

Messi frikëson Barcelonën, viziton shkollën e 7 vjeçareve në Manchester

Sadik.Autor

Leave a Comment