Barcelona nuk do të shfrytëzojë të drejtën e blerjes së Adama Traore. Anësori i sulmit u afrua në formën e huazimit në janar nga Wolves, por nuk ka bindur me paraqitjet e tij.
Fillimisht, spanjolli e nisi mjaft mirë, duke patur minuta të shumta në dispozicion, por gjërat nuk shkuan siç do donte ai. Trajneri i katalanasve, Xavi, së fundmi, nuk e ka preferuar shumë si zgjedhje të parë.
Sipas Marca, gjigandi i La Liga ka vendosur mos të paguajë 30 milionë euro për kartonin e tij dhe në këto kushte, në verë, 26 vjeçari i lindur në L’Hospitalet de Llobrega do kthehet te “Ujqërit”.
