Reali i Madridit ka zyrtarizuar transferimin e mesfushorit francez, Aurelin Tçuameni, i cili do të veshë fanellën e “Los Blancos” duke nisur nga sezoni i ardhshëm.
Lajmin e ka bërë me dije vetë klubi me anë të një postimi në rrjetet sociale, ku shkruan: “Reai i Madridit dhe Monako kanë rënë dakord për transferimin e Aurelin Tçuamenit, i cili do të jetë pjesë e klubit për gjashtë sezonet e ardhshme”.
Transferimi i talentit francez do t’i kushtojë Realit rreth 80 milionë euro, me Tçuamenin që shihet si e ardhmja e mesfushës madrilene.
22-vjeçari bëhet kështu i dytë i transferuar në radhët e Realit të Madridit këtë merkato, pas Antonio Rudigerit nga Çelsi.
