Çelsi është një nga klubet më aktive këtë merkato. “Blutë” zyrtarizuan së fundmi transferimin e Sterling dhe shumë shpejtë do të konfirmohet dhe Kalidu Kulibali i Napolit. Gjithsesi klubi londinez nuk do të ndalet këtu.
Trajneri i “Bluve”, Tomas Tuhel, ja ka bërë të qartë presidentit të ri të klubit, Tod Boehli, që si synim Çelsi të ketë mbrojtjen, pasi largimi i Rudiger dhe Kristensen kanë lënë një boshllëk të madh në prapavijë.
Kështu që presidenti amerikan ka nisur tashmë tratativat edhe me dy mbrojtës të tjerë për t’i kompletuar skuadrën gjermanit.
I pari është holandezi i Mançester Sitit, Natan Ake. 27-vjeçari ishte pjesë e “Bluve” deri në vitin 2017, kur u largua më pas për Burnmuthin. Tashmë Boehli është gati që ta rikthejë dhe një herë, duke paguar shumën që kërkon Guardiola në këmbim.
chelsea-punto-fichar-ake
Për sa i përket të dytit, bëhet fjalë për Presnel Kimpembe. Mbrojtësi francez duket e është jashtë planeve të PSG-së dhe shumë klube të mëdha janë vënë në ndjekje të tij, me Juventusin që duket në “pole-position”. Por një ofertë e mirë nga Çelsi, mund ta bind francezin që si destinacion të zgjedhë Premier Ligën.
kimpembe markinjos