Futboll Sport

MESFUSHORI PRANË LARGIMIT NGA JUVENTUSI/ Nuk do të marrë pjesë në turneun amerikan

Adrien Rabio duket pranë largimit nga Juventusi.

Mesfushori ka qenë protagonist i ambienteve bardhezi ditën e djeshme kur me anë të një postimi në rrjetet sociale ka komunikuar se nuk do të jetë pjesë e skuadrës në turneun veror në SHBA.

“Në dakordësi të plotë me klubin dhe për arsye të miat personale, nuk do t’i bashkohem pjesës tjetër të skuadrës në SHBA dhe do të qëndroj në Torino për të përfunduar përgatitjet e mia fizike”, ka qenë lajmërimi i francezit, që do të vazhdojë të stërvitet në “Kontinasa”, duke mos qenë pjesë e asnjërës prej miqësoreve që torinezët do të zhvillojnë në kontinentin amerikan.

Zgjedhja e Rabiosë, por edhe e klubit siç pohon vetë ai, duket se është sinjali i parë i lamtumirës në horizont.

Pas mbërritjes së Pogbasë, 27-vjeçari e ka humbur vendin e titullarit dhe ndërsa kontrata i skadon verën e ardhshme, palët po presin një ofertë që do t’i bindë për të ndërprerë bashkëpunimin.

Related posts

BASTET/ Teuta favorite edhe në sfidën e kthimit, ja si kuotohen durrsakët ndaj Inter Escaldes…

Delo.autor

LIVE! Nis “EURO 2020”, ndiqni përgatitjet dhe ceremoninë hapëse

F.autor

SUPERKUPA E SPANJËS/ Carvajal “thumbon”: Nëse Valverde nuk është i kënaqur, atëherë…

Delo.autor

Leave a Comment