Herë pas here emri i tij përflitet për oferta nga klube të mëdha e është normale që rreth së ardhmes së tij të ketë shqetësim nga ana e tifozërisë.
Fjala është për Rafael Leaon, lojtarin më të mirë të Serisë A për sezonin e kaluar përveçse kampion i Italisë me Milanin ku militon prej tri sezonesh.
“Corriere della Sera” ka folur për rinovimin e mundshëm të kontratës së Rafael Leaos me Milanin.
Duke kujtuar se si sulmuesi portugez, i lindur në vitin 1999, shkëlqeu edhe në ndeshjen miqësore të fituar nga “Djalli” 5-0 ndaj Volfsbergerit.
Tabela e golashënuesve u inaugurua nga 23- vjeçari, me golin e avantazhit të kuqezinjve: një prekje shumë e ëmbël, mbi portierin austriak, që ndezi entuziazmin e tifozëve të Milanit të pranishëm në shiun e Klagenfurtit (Austri).
Në atë moment, ka pasur edhe nga ata, që ndoshta e kishin harruar, se si kontrata e Leaos me Milanin do të skadojë më 30 qershor 2024.
SHIFRAT – Për “CorSera” po punohet për rinovimin e marrëveshjes mes Leaos dhe Milanit.
Edhe pse, për të qenë të sinqertë, negociatat mbeten në malore. Zhorzh Mendesh, menaxher i talentit nga Almada, nuk do ta kishte pranuar, në fakt, ofertën prej 5.5 milionë eurosh neto në sezon të paraqitur nga Milani për klientin e tij.
Shumë pak, sidomos krahasuar me 1.5 që ka marrë aktualisht.
Megjithatë, duhet bërë gjithçka për ta mbajtur Leaon kuqezi.
Humbja e Leaos falas pas dy vitesh do të ishte një krim, veçanërisht pas rasteve në lidhje me Xhanluixhi Donarumën dhe Frenk Kesin.
