Pas largimit të Ramsit me konsensus, Juventusi kërkon që të ndërprejë marrëdhëniet edhe me Artur, i cili ndiqet nga Valencia e Ivan Xhenaro Gatuzos.
Sipas asaj që raporton e përditshmja sportive italiane “TuttoSport” klubi bardhezi ka filluar të shqyrtojë mundësinë e rikthimit në Torino të Miralem Pjaniç, i cili aktualisht është në pronësinë e Barcelonës.
Boshnjaku, te Barcelona nuk shihet në planet e trajnerit Ksavi dhe ekziston mundësia e një kalimi me formulën e huazimit te “Zonja e Vjetër” aty ku fitoi edhe 4 tituj kampioni në Itali.
32-vjeçari sezonin e kaluar ishte i huazuar te Beshiktashi ku në kampionatin turk u aktivizua gjithsej në 20 ndeshje duke mos realizuar asnjë gol dhe duke mos dhuruar dot asnjë asist.