Futbollistët e Barcelonës duket se nuk po kalojnë një periudhë të mirë me jetën në qytet dhe rrezikun e grabitjes ku pas rastit të ditëve më parë me Robert Levandovskin, radhën e ka pasur një tjetër sulmues i katalanasve që është Pier Emerik Aubamejang.
Sipas raportimeve nga “The Sun”, 33-vjeçari është dhunuar dhe grabitur nga katër persona të armatosur të cilët kishin hyrë më forcë në shtëpinë e tij dhe kishin detyruar nëpërmjet goditjeve sulmuesin të hapte kasafortën e shtëpisë.
Ata kanë marrë një sasi të konsiderueshme bizhuterish dhe parash që dispononte futbollisti dhe më pas janë kapur nga kamerat e sigurisë duke u larguar me një automjet të tipit Audi A3.