Tiago Mota është gati që të nisë një aventurë të re në karrierën e tij.
Ish-fituesi i Tripletës me Interin ka zbarkuar në Itali, teksa do të firmosë një kontratë me Bolonjën dhe më pas për tu prezantuar si trajneri i ri i ekipit emilian.
Italo-Braziliani ditën e nesërme do të jetë në tribunën kryesore të stadiumit “Renato Dall’Ara” për të ndjekur nga afër ekipin e tij të ri ku do të përballen ndaj Fiorentinës.
Detajet e kontratës ende nuk bëhen të ditura, por duke filluar nga dita e hënë, Tiago Mota do të marrë në drejtim Bolonjën, pas shkarkimit të Sinisa Mihajloviç.
40-vjeçari do të trajnojë sërish një ekip të Serisë A, ku sezonin e kaluar stërviti Specian dhe sulmuesin e Kombëtares shqiptare, Rei Manajn. Ndërsa më parë ai ka drejtuar edhe Xhenoan dhe PSG U-19.
