Interi ka fituar minimalisht 1-0 pasditen e djeshme ndaj Torinos në stadiumin “Giuseppe Meazza”, e vlefshme për javën e gjashtë të Serisë A italiane.
Goli deçiziv u shënua në frymën e fundit në minutën e 89′, nga Marselo Brozoviç pas një pasimi perfekt nga Nikolo Barela.
Sipas faqes së njohur të statistikave, “OPTA Paolo”, Interi ka thyer një rekord tjetër negativ, ku përfundon pjesën e parë pa shënjestruar të paktën një herë portën e kundërshtarit në Serinë A italiane.
Hera e fundit e ndodhur datonte më 18 prill 2021, ndaj Napolit.
Një statistikë tepër negative kjo për të besuarit e Simone Inzagit.
Me këtë sukses ndaj torinezëve, Interi renditet në vendin e katërt duke grumbulluar 12 pikë, teksa në gjashtë javë zikaltërit kanë koleksionuar 4 fitore, 0 barazime dhe 2 humbje, respektivisht ndaj Lacios dhe Milanit.
