Mateo Darmian nuk u është shmangur intervistave në përfundim të derbit pavarësisht humbjes.
“Kur humbet duhet të dalësh të marrësh përgjegjësitë, sidomos pas një ndeshjeje të tillë”, e ka nisur italiani analizën e tij duke vazhduar:
“Ishim në avantazh dhe pastaj pësuam dy gola që mund të ishin shmangur. Duhet ta arkivojmë sa më shpejt këtë sfidë dhe të kuptojmë gabimet tona për t’u përmirësuar në të ardhmen”.
Në fund 32-vjeçari ka folur edhe për sfidën që i pret ndaj Bajern Mynihut, për të cilën ka thënë:
“Kemi pak ditë për të përgatitur ndeshjen, por duam ta nisim mbarë.
Përballim një skuadër shumë të fortë, por në shtëpinë tonë dhe me tifozët tanë mund të bëjmë një paraqitje dinjitoze”.
PANORAMASPORT.AL
