Për Masimiliano Alegrin ndoshta ka ende shpresë, duke parë lajmet e ardhura dje nga infermieria. Teksa Juventusi ka dalë i përgjysmuar në stërvitje, si rrjedhojë e mungesave të lojtarëve të kombëtareve, në “Kontinasa” janë riparë tre elementë të rëndësishëm për skemat e trajerit të Juves, për ndeshjen e radhës me Bolonjën në kampionat.
JUVENTUS
Mbrojtësi i majtë Aleks Sandro dhe dy mesfushorët Adrien Rabio e Manuel Lokateli, dje i janë bashkuar grupit, ndonëse jo me regjim të plotë.
Të tre bardhezinjtë kanë punuar pa shqetësim, por në ditët në vazhdim pritet që të rrisin gjithmonë e më shumë ngarkesën fizike, për të kapur ritmin e ndeshjeve.
Alegri do të ketë qenë jo pak i lumtur që ka riparë Sandron, Rabionë e Lokatelin, pasi ata do të jenë një alternativë e shkëlqyer për lojtarët e tjerë që mund të vijnë disi të lodhur nga ndeshjet e kombëtareve.
