Futboll Sport

RRËFIMI i Messit: Është Botërori im i fundit. Mundësia ime e fundit për ta realizuar ëndrrën time

Ylli i Argjentinës, Lionel Messi ka folur në konferencë për media para ndeshjes ndaj Arabisë Saudite, duke bërë të ditur se synon ta fitojë Kupën e Botës, pasi edhe është Botërori i tij i fundit.

Argjentinasi konfirmoi se ndihet mirë fizikisht pavarësisht që është stërvitur vetëm para disa ditëve.

“Ndihem shumë mirë fizikisht, e vërteta është se arrij në një moment të mrekullueshëm si personalisht ashtu edhe fizikisht. Nuk kam asnjë problem. Një ditë tjetër u stërvita ndryshe për shkak të një goditjeje, por asgjë e pazakontë”.

Messi komentoi formën e lartë që po kalon këtë edicion.

“Është një kohë tjetër në sezon, me shumë më pak ndeshje. Jam ndjerë mirë, kam rritur ritmin dhe jam ndjerë gjithmonë rehat, dhe kjo është ajo që jam përpjekur të bëj deri tani. Jo, nuk kam bërë asgjë të veçantë, kam marrë kujdesem për veten si gjithmonë në karrierën time”.

Ai konfirmoi se ky do të jetë Kampionati Botëror i fundit për të, ndaj është shansi i fundit për ta realizuar ëndrrën.

“Më bën të lumtur që ka shumë njerëz që duan të njëjtën gjë si unë. Me siguri do të jetë Botërori im i fundit, shansi i fundit për të arritur atë që të gjithë duam. Ne vijmë nga fitorja, kjo i ndihmon njerëzit”.

I pyetur lidhur me grupin e Argjentinës, Messi bëri të ditur se janë shumë të bashkuar dhe ka shumë besim, pavarësisht që për shumicën është Kampionati Botëror i parë.

“Ky grup më kujton vitin 2014, një grup shumë i bashkuar që e kishte të qartë se çfarë po bënte në fushë. Kjo të jep shumë besim kur shkon për të luajtur, edhe pse për shumë është Botërori i tyre i parë”.

“Ndihem shumë i emocionuar, i emocionuar. Ne do të përpiqemi të luajmë ndeshjen më të mirë për të filluar me tre pikët”.

“Më parë kam luajtur gjatë gjithë kohës dhe shumë gjëra të rëndësishme kanë kaluar pa u vënë re. Sot përpiqem të shijoj gjithçka shumë më tepër”, përfundoi Messi.

Argjentina nesër do zhvillojë ndeshjen e parë hapëse në Kupën e Botës kundër Arabisë Saudite.

Related posts

REVOLUCION TEK LIVERPOOLI/ Klubi anglez nxjerr nëntë LOJTAR në shitje…

Isa.Autor

“PËR MUA NUK EKZISTON MË”/ Presidenti Ceferin akuza të rënda ndaj Agnelli-t: E kam personale. Më gënjeu deri në…

Delo.autor

Nexhipi: Partizani? Gjici më dha një mundësi shumë të mirë, ja përse i mundi Kukësi

Sadik.Autor

Leave a Comment