Transferimi i Simon Simonit në një kampionat të huaj është vetëm çështje kohe.
Portieri pritet të largohet që në janar dhe sipas të gjitha gjasave destinacioni është në kampionatin gjerman.
Gazeta mëson se bisedimet mes klubit të Bundesligës që kërkon lezhjanin, janë në rrugë të mbarë.
Megjithatë, janë edhe disa detaje të fundit para se të ketë një marrëveshje përfundimtare dhe të hidhet firma.
18-vjeçari ka qenë në qendër të merkatos që para se të mbyllej sezoni i kaluar, por u kthye sërish, pasi nuk u krye operacioni në Turqi.
Burime të gazetës bëjnë gjithashtu me dije se vëzhgues të klubit gjerman e kanë ndjekur Simonin në një ndeshje kampionati dhe duket se janë bindur për aftësitë e tij.
Tani mbetet vetëm të zbulohet emri i ekipit, të cilin drejtuesit blu e mbajnë sekret, sepse mungon firma
