Juventusit i shënoi në minutën e 96-të në për balljen me Lacion në sezonin e kaluar, ndërsa në katër transfertat e fundit ka shërbyer katër asitet.
Ndoshta Sergej Milinkoviç-Saviç po përjeton momentin më të mirë sezonal, por në prag të ndeshjes të së dielës në 20:45, ai rikthehet protagonist i zërave të merkatos.
Transferimi te Juventusi praktikisht vjen rishtazi në modë, por momenti është delikat pasi bardhezinjtë ndaj kryeqytetasve luajnë pikërisht për një vend si ndjekësja më e afërt e Napolit.
Gjithmonë nëse Milani nuk bën detyrën ndaj Fiorentinës.
SITUATA – MilinkoviçSaviçit i skadon kontrata me Lacion më 30 qershor të 2024. Klubi do të donte rinovimin, por 27-vjeçari dëshiron një përvojë të re pas gjashtë vitesh bardhekaltër.
Çështje ambiciesh, por edhe milionash. Lacio vështirë se mund t’i ofrojë një rinovim me më shumë se 4 milionë euro në sezon.
Lojtari aktualisht përfiton 3 dhe do të donte të paktën pesë.
Provën e cilësisë vazhdon ta japë sa herë zbret në fushë, ndaj gjuha me klubin nuk duket se mund të gjendet edhe aq lehtë. Në lojë pritet të futet Juventusi, nëse nuk e ka bërë ende.
Bardhezinjtë janë përmendur shpesh si destinacion për serbin dhe lëvizja mund të ndodhë që në janar.
Zërat në këtë drejtim i fryn akoma më shumë prania e Matea Kezhmanit në Torino.
Menaxheri i Saviçit pritet në fundjavë në epiqendrën piemonteze me pretekstin për të parë Juve-Lacio, ndërkohë që media të ndryshme raportojnë se do të ketë bisedime për një transferim të mundshëm në oborret e “Zonjës së vjetër”.
Më diçka më shumë se një vit kontratë, Lacio vështirë se mund të pretendojë të arkëtojë 70-80 milionë euro, teksa akordit mund t’i vihet vula për 50 milionë euro plus ndonjë bonus.