Leo Messi njoftoi të mërkurën se gjatë gjithë vitit 2019, “Cirque du Soleil” do të shfaqë një film të bazuar në jetën e tij. Lojtari bëri njoftimin nëpërmjet rrjeteve sociale, i veshur me një fanellë me logon e kompanisë së njohur të teatrit.
Nuk është iniciativa e parë e këtij lloji, në të cilën Messi është i përfshirë si protagonist. Tashmë, në vitin 2014, u prodhua një film i drejtuar nga Álex de la Iglesia, ku ylli argjentinas fliste për karrierën e tij.
“Cirque du Soleil” (frëngjisht) është një kompani argëtuese kanadeze, prodhuesi më i madh teatror në botë. E ka bazën në Montreal të Kanadasë dhe ndodhet në zonën e brendshme të qytetit Saint-Michel. Kjo kompani u themelua në Baie-Saint-Paul, më 7 korrik 1984, nga dy ish-interpretues të artit të rrugës, Guy Laliberté dhe Gilles Ste-Croix.
