Ndeshja mes Spanjës dhe Kosta Rikës sot merr një rëndësi shumë të veçantë duke llogaritur humbjen e Gjermanisë përballë Japonisë në ndeshjen e parë në grup.
bandicam 2022-11-23 17-00-43-936
Luis Enrike është i ndërgjegjshëm që çdo hap i gabuar kushton shtrenjtë ndaj ka zgjedhur një formacion me lojtarët të cilët janë më në formë apo nuk kanë shfaqur probleme me shëndetin pas një viroze që përshkoi kampin e spanjollëve këto ditë.
Kështu, nga minuat e parë në sulm luajnë Dani Olmo dhe Ferran Torres, të mbështetur nga Pedri dhe Asensio që do të jenë opsione më shumë për fazën ofensive.
LIVE SPANJË-KOSTA RIKA 4-0
11′ Dani Olmo, 21′ Asensio, 31′ (p), 54′ Ferran Torres
KOMENTI LIVE:
63’ Morata hyn në fushë në vend të Ferran Torres dhe i duhen pak minuta për të krijuar rrezikshmëri me një gjuajtje nga e djathta, por pa gjetur katërkëndorin.
54’ GOOOL SPANJA! Ferran Torres përfiton nga një përgjumje e mbrojtjes dhe e Kejlor Navas, për të çuar përsëri topin në rrjetë.
49’ Asensio duket i pandalshëm sot teksa gjen hapësira mes mbrojtësve kundërshtarë, por shënjestra e tij lë për të dëshiruar pasi përsëri nuk gjuan në katërkëndorin e portës së Navas.
45’+5’ Mbyllet pjesa e parë me avantazhin e thellë 3-0 të Spanjës.
45’+5’ Asensio ka një mundësi të artë të shënojë edhe golin e radhës, por gjuajtja e tij është e gabuar dhe nuk gjen portën e Kosta Rikës.
45’ Jepen 5 minuta shtesë.
37’ Spanja vazhdon të ketë kontrollin e plotë të ndeshjes, por ka ulur paska ritmin duke administruar tashmë minutat.
31’ GOOOL SPANJA! Ferran Torres shënon nga pika e bardhë e penalltisë.
29’ Duarte gabon duke shkelur Zhordi Alban në zonë, gjyqtari nuk heziton të akordojë penallti për Spanjën.
21′ GOOOL SPANJA! Gjithçka e thjeshtë për skuadrën e Luis Enrikes që gjen hapësira në zonë dhe përfiton duke shënuar edhe golin e dytë me Asension.
11’ GOOOL SPANJA! Sulmuesi merr një pasim të mirë në zonë nga Gavi dhe nuk gabon i vetëm para portës. 1-0.
9’ Gjuajtje e menjëhershme e Asensios drejt portës, sfera përfundon jashtë, ngjitur me shtyllën në të majtë të Navas.
5’ Vjen kërcënimi i parë në portën e Kejlor Navas kur Pedri nis topin për Dani Olmo, por ky i fundit nuk e kthen dot në rrjetë.
1’ Nis dueli mes dy skuadrave.
