Ansi Agolli edhe pse është 35 vjeç, duket se nuk ka ndërmend të kthehet te skuadra e Tiranës, duke e mbyllur karrierën aty. Agolli sapo ka rinovuar kontratën e me skuadrën ku luan aktualisht, Qarabag-un në Azerbajxhan. Mbrojtësi shprehet se Azerbajxhani është bërë si shtëpia e tij e dytë.
“U deshën vetëm dy sekonda për të rinovuar! Jam shumë i lumtur që lajmëroj se do të jem edhe për një vit te Karabak, që është bërë si shtëpia ime e dytë tashmë. Premtoj që do vazhdoj të luaj me të njëjtën grintë që kam treguar këto 8 vite këtu. Do të japim gjithçka që të ndërtojmë mbi suksesin e vjetshëm, dhe të arrijmë rezultate edhe më të mira këtë sezon”, ka thënë Agolli.
